Stiv Cobsun uğurlu biznes üçün parlaq "resepti" - SƏHƏR OXUSU

"Apple" şirkətinin banisi Stiv Cobsun illər əvvəl söylədiyi bir sitat hələ də biznes dünyasında aktual qalır. 

Valyuta.az İnc.com-a istinadən xəbər verir ki, Cobs müştəri ehtiyaclarını anlamaq üçün fokus qruplardan deyil, intuisiya və vizyon əsaslı yanaşmanı üstün tutub.

Stiv Cobsun məşhur ifadəsi belədir:

"Fokus qruplarla məhsul hazırlamaq çox çətindir. İnsanlar nə istədiklərini, onlara göstərilənə qədər bilmirlər".

Onun biznes yanaşması məhsulun texniki imkanlarından deyil, müştəri təcrübəsindən başlayır və texnologiyaya doğru geriyə işləyirdi. Cobs bunu belə izah edirdi:

"İşi texnologiyadan deyil, müştəri təcrübəsindən başlamaq lazımdır. Həqiqətən möhtəşəm məhsullar, texnologiya baxışı ilə müştəri baxışının birləşməsindən yaranır. Hər ikisi lazımdır".

Stiv Cobs insanların ehtiyaclarını başqalarından əvvəl hiss edə bilirdi, lakin bu, asan yol deyildi. Onun fəlsəfəsinin əsas nüvəsi belə idi:

"Başqalarının fikirlərinin səsi, sizin daxili səsinizi boğmasın. Ürəyinizi və intuisiya hissinizi izləməyə cəsarətiniz olsun".

Cobsun bu yanaşması, kollektiv düşüncənin kompromis və "ortaq məxrəcə gəlmək" vərdişini tənqid edir. "Pinterest"in həmtəsisçisi Ben Silbermann da bu fikri təsdiqləyərək demişdi:

"Çoxlu məsləhətə qulaq asmayın. Yəni ideyaları eşitmək faydalı ola bilər, lakin öz baxışınızı reallaşdırmaq əsasdır".

Bu yanaşmanı musiqi sahəsində də görmək mümkündür. "Ghost" qrupunun lideri Tobias Forc sosial şəbəkələrin səs-küyündən uzaq duraraq, öz roluna və işinə fokuslandığını bildirib. Onun fikrincə:

"Sosial media çoxlarına dünyanı dəyişdirə biləcəklərinə dair yalançı bir inam verdi. Həmçinin bir çoxlarına, sanki hər halda səslərinin əhəmiyyəti olduğu illüziyası yaşatdı".

Paşa Məmmədli