ABŞ hakimiyyəti vətəndaşları şifrəli messencerlərdən istifadə etməyə çağırıb.

Valyuta.az bu barədə "The Verge" portalına istinadən xəbər verir.

Qeyd olunur ki, təşəbbüs Federal Tədqiqat Bürosu (FTB) və Kiber Təhlükəsizlik Agentliyinin (CISA) nümayəndələri tərəfindən irəli sürülüb. 

Müraciətlərin səbəbi ABŞ-ın telekommunikasiya sistemlərinə - AT&T, "Verizon", "T-Mobile" və "Lumen Technologies" şirkətlərinə son hücumla bağlıdır.

Hücum edənlər ABŞ prezidentliyinə namizədlər Donald Tramp və Kamala Harrisin qərargahından olan şəxslərin telefon nömrələrini ələ keçirməyə cəhd ediblər.

CISA-nın kibertəhlükəsizlik üzrə icraçı direktor köməkçisi Ceff Qrin "NBC News"a deyib: "Şifrələmə sizin dostunuzdur, istər mətn mesajları, istərsə də şifrələnmiş səs rabitəsindən istifadə etmək imkanı verir".

Bundan əvvəl Bastion informasiya şirkətinin analitikləri bildirmişdilər ki, 2024-cü ilin əvvəlindən qaranlıq şəbəkədə kriminal fəaliyyətlərlə bağlı yazıların və reklamların sayında artım müşahidə olunub.

Paşa Məmmədli