"Samsung Electronics"in üçüncü rübdə əməliyyat mənfəəti 6,66 milyard dollara yüksəlməsə də, yarımkeçiricilər seqmentində mənfəət 40% azalaraq 2,83 milyard dollara enib.

Valyuta.az xəbər verir ki, bu barədə "Reuters" yazıb. 

Şirkət yarımkeçiricilər sektorunda qazancın azalmasının səbəbini işçilərə birdəfəlik ödənişlər və valyuta məzənnəsinin dəyişməsi ilə əlaqələndirib. Eyni zamanda, rəqib "SK hynix" 5 milyard dollarlıq rekord əməliyyat mənfəəti əldə edə bilib, TSMC üçüncü rübdə maliyyə göstəriciləri ilə investorları sevindirib.

Analitiklər qeyd ediblər ki, "Samsung"un məntiq komponentləri biznesi üçüncü rübdə itkilərini genişləndirib. Şirkət "Samsung"un məntiq komponentləri üçün Texasda tikilməkdə olan yeni müqaviləli istehsal müəssisəsi üçün nəzərdə tutulmuş ASML-dən litoqrafiya avadanlıqlarını qəbul etməkdən imtina edib.

Mobil seqmentdə "Samsung" yaddaş çiplərinin satışı ilə də zəif çıxış edib. Şirkətin bu sahədə əməliyyat mənfəəti illik müqayisədə 15% azalaraq 2 milyard dollar olub.

Bu il yarımkeçiricilər sektorunda əsaslı xərclərin 34,7 milyard dollara çatacağı gözlənilir. 

Yeni rübdə "Samsung"un ümumi gəliri 17% artaraq 57,4 milyard dollara çatıb.

Paşa Məmmədli