"Microsoft" (MSFT) çərşənbə axşamı maliyyə ilinin üçüncü rübünün nəticələrini açıqladı. 

Valyuta.az-ın məlumatına görə, şirkət bulud xidməti gəlirinin sayəsində həm gəlir, həm də mənfəət göstəricilərində analitiklərin proqnozlarını üstələdi. 

Maliyyə rübü ərzində "Microsoft"un səhm üzrə qazancı (EPS) 3.30 dollar, gəliri isə 65.6 milyard dollar olub. Analitiklər 3.10 dollar səhm qazancı və 64.5 milyard dollar gəlir proqnozlaşdırırdı. Keçən ilin eyni rübündə şirkət 2.99 dollar səhm qazancı və 56.5 milyard dollar gəlir açıqlamışdı.

"Microsoft"un kommersiya bulud gəliri bulud xidmətləri satışları da daxil olmaqla, 38.9 milyard dollar olub ki, bu da 38.1 milyard dollar gözləntisindən yüksəkdir.

Son 12 ayda" Microsoft"un səhmləri 28% artıb. Bu, əlbəttə, nəzərəçarpan bir artımdır, lakin daha geniş "S&P 500" (^GSPC) indeksinin 41% artması ilə müqayisədə aşağıdır. "Alphabet"in səhmləri 42%, "Amazon"un səhmləri isə eyni müddət ərzində 49% artıb.

Kompüter bazarı pandemiyanın başlanğıcında satışların kəskin şəkildə azalmasından sonra bərpa mərhələsinin əvvəlindədir. "Microsoft" istehsal tərəfdaşları ilə birlikdə "Copilot+" adlanan yeni kompüter sinfini təqdim edir.

"Copilot+" kompüterləri cihaz daxilində AI proseslərini yerinə yetirə bilən noutbuklar, PC sənayesinin "AI hype"dən faydalanmaq üçün etdiyi cəhdlərdir.

Əvəz Həsənov