"Apple" Çin bazarında "beşliy"ə qayıtdı - Nə qədər smartfon satılıb?
Bu ilin ikinci rübündə "Apple" Çində ilk beş ən böyük smartfon tədarükçüsü sırasından çıxıb, lakin bir neçə günlük "iPhone 16" satışı şirkəti üçüncü rübdə ikinci yerə qaytarmaq üçün kifayət edib.
Valyuta.az xəbər verir ki, bu barədə IDC-nin hesabatında deyilir.
"Vivo" 18,6% payla bazar lideri olaraq qalır - şirkət illik tədarük həcmini 21,5% artırıb.
"Apple" ilk beşliyə qayıdıb, lakin ötən illə müqayisədə tədarükləri 0,3% azaldıb. Amerika şirkətinin payı isə 16,1%-dən 15,6%-ə düşüb. Gözlənilir ki, “Apple Intelligence”in ölkədə işə salınması tələbi daha da stimullaşdıra bilər. Lakin bu tarixlər hələ açıqlanmayıb.
İlk üçlüyü tədarük həcmini 42% artıran 15,3% bazar payı ilə "Huawei" qapayır. Artım, xüsusən də dünyada ilk üçqat smartfonun buraxılması ilə bağlıdır.
"Xiaomi" 14,8% payla dördüncü, "Honor" (14,6%) isə beşinci yerdə qərarlaşıb.
Üçüncü rübdə Çin bazarında ümumi smartfon satışları 3,2% artaraq 68,8 milyon ədədə çatıb ki, bu da tələbatın azaldığını göstərir. Eyni zamanda, "Android" smartfonlarının həcmi 3,8% artıb.
IDC analitikləri dördüncü rübdə Çin bazarının müsbət dinamikasının davam edəcəyini proqnozlaşdırırlar ki, bu da ticarət meydançalarında noyabr satışları ilə bağlıdır.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay