Cənubi Koreyadakı mənbələrdən mediaya "Samsung" haqqında böyük iddia ortaya atılıb.

Valyuta.Az düntya mətbuatına istinadla xəbər verir ki, şirkətin gələn il üç yerə qatlanan ağıllı telefonunu bazara çıxara biləcəyi ehtimal olunur.

Üçə qatlanan telefonlar ilk dəfə "Huawei Mate XT" ilə həyatımıza daxil olmuşdu. Lakin bu telefon yalnız Çinin sərhədləri daxilində qalmışdı və digər ölkələrdə satışa çıxarılmamışdı. İddialara görə, "Samsung" bu vəziyyəti dəyişdirə bilər və üç yerə qatlanan telefonu ilə qlobal bazarda bir ilkə imza atacaq.

Samsung-un üç yerə qatlanan telefonu hansı xüsusiyyətlərə sahib olacaq?

Bu suala hazırda heç kim dəqiq cavab verə bilmir. Çünki "Samsung"-un bu yeni telefonu ilə bağlı hələlik heç bir məlumat və ya sızıntı ortaya çıxmayıb. Ancaq əgər bu ağıllı telefon gələn il bazara çıxacaqsa, yaxın zamanda bu barədə daha çox məlumatın ortaya çıxacağı gözlənilir.

"Samsung"-un üç yerə qatlanan telefonuna dair məlumatlar hələlik bu qədərdir. Mövzu ilə bağlı yeni bir məlumat əldə edildiyi təqdirdə sizi yenidən məlumatlandıracağıq.