ABŞ hökuməti "Google"u parçalamaq istəyir

ABŞ Ədliyyə Nazirliyi "Google"un parçalanması, yəni bölünməsi ehtimalını nəzərdən keçirir. 

Valyuta.az xəbər verir ki, bu barədə “The Verge” məlumat yayıb.

Hökumət hüquqşünasları artıq "Google"un pozuntularını aradan qaldırmaq və bazarda rəqabəti bərpa etmək üçün tədbirlər təklif ediblər. Dərc edilmiş sənəd həm davranış, həm də struktur hüquqi tədbirləri araşdırır. Təklif edilən tədbirlər arasında şirkətin davranışına nəzarət etmək üçün nizamlamadan istifadə etmək və "Google"u "Chrome", "Android" və ya "Google Play" kimi biznesin bəzi hissələrini satmağa məcbur etmək daxildir.

"Google" cavab verib ki, təklif olunan tədbirlər məhkəmənin qərarının hüdudlarından kənara çıxır və "Chrome" və "Android"in işini poza bilər. Onların fikrincə, bir milyard istifadəçi bu pulsuz məhsullar sayəsində onlayn olur və az sayda şirkət onları eyni səviyyədə dəstəkləyə bilər.

Son aylarda ABŞ məhkəmələri bir neçə dəfə "Google"u axtarış sistemi və "Android" proqram mağazası bazarlarında monopolist kimi tanıyıb. Ekspertlərin fikrincə, belə bir qərar vəziyyəti düzəldə və bazarda rəqabəti bərpa edə bilər.

Paşa Məmmədli