"Apple" korpusun qalınlığı cəmi 5 mm olan yeni "iPhone" modelini təqdim etməyi planlaşdırır. Bu, qalınlığı 7,8 ilə 8,25 mm arasında dəyişən hazırkı modellərdən əhəmiyyətli dərəcədə kiçikdir. 

Valyuta.az-ın məlumatına görə, "Yutuber" Con Prosser iddia edir ki, yeni model yüngül "MacBook Air" kimi "iPhone Air" adlanacaq.

Prosserin sözlərinə görə, "iPhone 17 Air" "iPhone 17", "iPhone 17 Pro", "iPhone 17 Pro Max" və "iPhone 17 Air"i əhatə edən yeni nəsil smartfonların bir hissəsi olacaq. O, həmçinin qeyd edib ki, yeni model "iPhone" xəttindəki "Plus" modelini əvəz edəcək.

Bununla belə, qeyd etmək lazımdır ki, "iPhone 17 Air Pro" modelləri qədər güclü spesifikasiyalara malik olmayacaq. Smartfonun A19 prosessoru və tək arxa kamera obyektivinə sahib olacağı gözlənilir. Prosserin sözlərinə görə, qadcetin qiyməti 900 dollardan başlayacaq.

Mənbə həmçinin bildirib ki, yeni model orijinal "MacBook Air" ilə eyni şəkildə satılacaq, burada əsas diqqət funksionallıqdan çox dizayna verilir.

Paşa Məmmədli