ABŞ məhkəməsinin "Alphabet"in axtarış sistemləri bazarında monopoliyaya malik olduğuna dair qərarından sonra "Apple"ın "Google" ilə qazanclı sövdələşməsi təhlükə altında ola bilər.

Valyuta.az xəbər verir ki, bu barədə “Reuters” məlumat yayıb.

"Google" məhkəmə cəzalarından qaçmaq üçün axtarış sistemini "Apple" cihazlarında defolt edən müqaviləni potensial olaraq ləğv edə bilər.

"Morgan Stanley" analitiklərinin fikrincə, "Google" imtiyaz üçün "Apple-a hər il 20 milyard dollar və ya "Safari" brauzerində təqdim olunan axtarış reklamından əldə etdiyi gəlirin təxminən 36%-ni ödəyir. Müqavilə ləğv edilərsə, "iPhone" istehsalçısı mənfəətinin 4-6%-ni itirə bilər.

"Hazırda ən çox ehtimal olunan nəticə, bir hakimin "Google"un defolt axtarış sistemini yerləşdirmək üçün ödəniş etməyi dayandırması və ya "Apple" kimi şirkətlərin istifadəçilərə onu defolt olaraq təyin etmək əvəzinə axtarış sistemini seçmək üçün fəal şəkildə rəhbərlik etməsidir", deyə analitiklər qeyd edirlər.

Xatırladaq ki, ABŞ-ın dairə məhkəməsi "Google"u şirkətin ən köhnə və ən vacibi olan axtarış biznesi ilə bağlı antiinhisar qanunlarını pozmaqda təqsirli bilib.

Nicat