Tibb tarixində ilk dəfə olaraq ABŞ-da süni intellektlə təchiz edilmiş robot tərəfindən tam avtomatlaşdırılmış diş əməliyyatı həyata keçirilib. 

Valyuta.az xəbər verir ki, bu barədə diş texnologiyaları sahəsində lider olan Amerikanın "Perceptive" şirkəti məlumat yayıb.

"Perceptive" innovativ robot sistemindən istifadə edərək bir xəstə üzərində dünyanın ilk tam avtomatlaşdırılmış stomatoloji prosedurunu həyata keçirməklə stomatologiyada sıçrayış etdi", deyə şirkətdən bildirilib.

Süni intellektə əsaslanan proqram təminatı ilə təchiz edilmiş "Perceptive" sistemi robota stomatoloji prosedurları yüksək sürətlə və dəqiqliklə yerinə yetirməyə imkan verir. Şirkət müalicə prosesini əhəmiyyətli dərəcədə sürətləndirməyi, məsələn, tacın quraşdırılmasını, hər biri ən azı bir saat vaxt aparan diş həkiminə iki standart səfər əvəzinə vaxtı 15 dəqiqəyə endirməyi qarşısına məqsəd qoyub.

Qeyd edək ki, "Perceptive" 30 milyon dollar investisiya cəlb edib, əsas investorlar arasında "Meta"nın qurucusu Mark Zukerberqin atası doktor Edvard Zukerberq də var.

Paşa Məmmədli