Macarıstan Ukrayna tərəfinin Rusiyanın “Lukoyl” şirkətindən neft tranzitini dayandırması ilə bağlı problem həll olunana qədər Avropa Sülh Fondundan Ukraynaya yardımın qarşısını almağa davam edəcək. 

Valyuta.az xəbər verir ki, bu barədə Macarıstan Xarici İşlər Nazirliyinin rəhbəri Peter Siyarto bildirib.

“Ukrayna “Lukoyl”la problemi həll edənə qədər biz Aİ-nin Sülh Fondundan vəsaitin ayrılmasına mane olacağıq”, deyə o bildirib.

Bundan əvvəl məlum olub ki, Avropa Komissiyası Slovakiya və Macarıstandan məktublar alıb, bu məktublarda ölkələr Ukraynanı Rusiyadan neft nəqlinin dayandırılması ilə əlaqədar Avropa İttifaqı ilə assosiasiya sazişini pozmaqda ittiham edirlər. Kiyevə qarşı dövlət iddialarına iyulun 24-də baxılması planlaşdırılır.

İyun ayında Ukrayna “Lukoyl”a qarşı sanksiyaları sərtləşdirib, buna görə Rusiya şirkəti faktiki olaraq Ukrayna ərazisindən neftin başqa dövlətlərə tranziti üçün istifadə hüququnu itirib. Nəticədə Macarıstan və Slovakiyaya Rusiyadan neft tədarükü dayanıb.

Paşa Məmmədli