"Apple" 98 ölkədə "iPhone" sahiblərini yeni casus proqram təhlükəsi barədə xəbərdar edib. 

Valyuta.az "TechCrunch"a istinadən xəbər verir ki, bu, şirkətin 2024-cü ildə ikinci xəbərdarlığıdır. Əvvəlki xəbərdarlıq aprel ayında olub və 92 ölkəni əhatə edib.

2021-ci ildən bəri "Apple" risk altında olan 150-dən çox ölkədəki istifadəçilərə mütəmadi olaraq oxşar bildirişlər göndərir. Ən son xəbərdarlıq hakerləri və ya istifadəçilərin bildiriş aldığı konkret ölkələri müəyyən etmir.

Bildirişdə deyilir: "Apple" sizin "Apple ID"nizlə əlaqəli "iPhone"u uzaqdan pozmaq üçün nəzərdə tutulmuş məqsədyönlü casusluq hücumunun qurbanı olduğunuzu aşkar edib".

Hindistandakı istifadəçilər oxşar xəbərdarlıqlar aldıqlarını təsdiqləyiblər. Oktyabr ayında "Apple" həmçinin ölkədəki bir neçə jurnalist və siyasətçiyə də oxşar bildirişlər göndərib. "Amnesty İnternational" daha sonra tanınmış hind jurnalistlərinin "iPhone" telefonlarında İsrailin "NSO Group" şirkəti tərəfindən hazırlanmış "Pegasus" casus proqramlarını aşkar edib. Hazırkı hücumun təsirinə məruz qalan istifadəçilərin hansı sahədə işlədiyi açıqlanmır.

Paşa Məmmədli