"Google DeepMind"in baş direktoru Demis Hassabis bildirib ki, müasir süni intellekt modellərinin IQ səviyyəsi ev pişikləri ilə müqayisə oluna bilər. 

Valyuta.az xəbər verir ki, bu barədə "Tom's Hardware" portalı məlumat yayıb.

"Britaniyanın Gələcəyi 2024” konfransında çıxış edən Hassabis fəaliyyətinin süni ümumi intellektin (AGI) inkişafına yönəldiyini vurğulayıb. O qeyd edib ki, müasir süni intellekt modelləri yazı, rəsm və musiqi kimi tapşırıqları yüksək səviyyədə yerinə yetirə bilir, lakin onların ümumi intellekti hələ də ev pişiklərindən də aşağıdır.

Hassabis etiraf edib ki, indiki süni intellekt nailiyyətləri insan intellekt səviyyəsindən çox uzaqdır, lakin bəzi sahələrdə, məsələn, oyunda süni intellekt artıq dünyanın ən yaxşı oyunçularından üstündür. O, həmçinin süni intellektin enerji, səhiyyə, riyaziyyat və iqlim problemlərinin həlli, öz potensialını sənaye inqilabı, yanğın və elektrik enerjisi ilə müqayisə edərək müxtəlif sənaye sahələrinə əhəmiyyətli təsir göstərəcəyinə əminliyini ifadə edib.

Ekspertin fikrincə, süni intellektin insan intellekt səviyyəsinə çatması üçün bu sahədə əhəmiyyətli texnoloji irəliləyişlər və nəhəng hesablama gücü tələb olunur.

Paşa Məmmədli