X sosial şəbəkəsində (keçmiş Twitter) "@TheGalox" ləqəbi ilə tanınan insayder və analitik Entoni yeni "iPhone 16 Pro Max"ın xüsusiyyətlərini və qiymətini açıqlayıb.

Valyuta.az xəbər verir ki, mənbənin məlumatına görə, smartfon 120Hz yeniləmə tezliyi və 1600 nits pik parlaqlığa malik 6,9 düymlük "Samsung M14 OLED" displeyinə sahib olacaq.

8 GB RAM ilə birləşdirilmiş flaqman "Apple A18 Pro" çipi yeni məhsulun performansına cavabdeh olacaq.

"iPhone 16 Pro Max"ın əsas kamerası 48 meqapiksellik moduldan, 48 meqapiksellik ultra geniş bucaqlı moduldan və tetraprizma və 12 meqapiksel təsvir ölçülü beşqat optik zumlu periskop telefoto obyektivindən ibarət olacaq.

Akkumulyatorun tutumu 4676 milliamper/saat, simli şarj dəstəyi isə 25 Vt olacaq. Simsiz şarj gücü hələ açıqlanmayıb.

Digər şeylərlə yanaşı, yeni məhsulun gövdəsində kameranın işə salınması və onun deklanşörünün buraxılması üçün cavabdeh olacaq "Capture Button:un görünüşü də təsdiqlənir.

Entoninin sözlərinə görə, "iPhone 16 Pro Max" 1199 dollardan başlayan qiymətə satışa çıxarılacaq.

Paşa Məmmədli