HTC sub-flaqman "Qualcomm Snapdragon 8s Gen 3" çipi və OLED ekranlı U24 Pro smartfonunu elan esib.

Valyuta.az xəbər verir ki, bu barədə “GizmoChina” portalı məlumat yayıb.

HTC U24 Pro, 120 Hz yeniləmə tezliyi və "Corning Gorilla Glass" şüşəsi ilə 6,8 düymlük OLED ekrana malikdir. Tam olaraq hansı nəsil şüşənin quraşdırıldığı göstərilmir. Həmçinin 50 meqapiksellik ön kamera və ön tərəfdə LED bildiriş işığı var.

Yeni məhsul 50 MP əsas sensorlu üçlü kamera, 2x optik zumlu 50 MP telefoto obyektiv və 8 MP ultra geniş bucaqlı modul əldə edib.

HTC U24 Pro-nun performansı 12 GB RAM və 256 və ya 512 GB yaddaşla tamamlanan sub-flaqman "Snapdragon 8s Gen 3" tərəfindən idarə olunur. 4600 mAh batareya 60 Vt sürətli doldurmanı, 15 Vt simsiz doldurmanı və 5 Vt tərs doldurmanı dəstəkləyir.

HTC U24 Pro-nun digər xüsusiyyətlərinə audio jak, NFC, Wi-Fi 6E, Bluetooth 5.3 və ekranda olan barmaq izi skaneri daxildir. Cihaz "Android 14" əməliyyat sistemi ilə işləyir.

Paşa Məmmədli