"OpenAI" mətni səs mühərrikinə çevirmək üçün modelləri elan edib. 

Valyuta.az xəbər verir ki, bu barədə şirkətin bloqunda deyilir.

Bildirilir ki, insanın səsini klonlaşdırmaq üçün neyron şəbəkəyə yalnız 15 saniyəlik nümunə lazımdır. "OpenAI"nin inkişafı rəqiblərindən onunla fərqlənir ki, neyron şəbəkəsi nümunəsi olaraq səsini köçürmək istədiyiniz şəxsin səsli mesajının 15 saniyəlik qısa nümunəsini təqdim etmək və sorğu sahəsinə istədiyiniz mətni daxil etmək kifayətdir. 

"OpenAI" mütəxəssisləri səs itkisindən əziyyət çəkən insanların səsini bərpa etmək üçün bu texnologiyadan istifadə etməyi təklif edir, həmçinin müasir generativ modellərin yaratdığı potensial təhlükələri və onların həlli yollarını adlandırırlar. Məsələn, banklara və digər təşkilatlara səs əsaslı biometrik autentifikasiyanı mərhələli şəkildə dayandırmaq, həmçinin insanları süni intellekt təhlükələri və yaradılan məzmunu real məzmundan necə ayırd etmək barədə maarifləndirmək tövsiyə olunur.

"OpenAI" həmçinin bildirib ki, Səs Mühərrikinin inkişafı 2022-ci ilin sonunda başlayıb və model təlimi prosesində həm lisenziyalı, həm də açıq məlumatlardan istifadə edilib. Xidmətin nə vaxt ictimaiyyətə təqdim ediləcəyi məlum deyil.

Paşa Məmmədli