Böyük Britaniya süni intellekt mərkəzləri və bəzi qaydalar üçün milyonlarla dollar sərmayə qoymağa hazırlaşır.

Valyuta.az xəbər verir ki, bu barədə “Bloomberg”də məlumat yer alıb. Məlumata görə, britaniyalılar süni intellektlə bağlı tədqiqat və təhsilə 125 milyon dollardan çox pul xərcləməyi planlaşdırır.

Hökumət Böyük Britaniyada doqquz yeni süni intellekt tədqiqat mərkəzi açacaq. O, təhsil, polis və yaradıcı sənayelərdə süni intellektdən məsuliyyətli istifadəni araşdıran tədqiqat layihələrini dəstəkləyəcək, tənzimləyiciləri texnologiyanın risk və faydalarını idarə etmək üzrə maarifləndirəcək.

Elm , İnnovasiya və Texnologiya üzrə Dövlət Naziri Mişel Donelan, süni intellektin dövlət xidmətlərini və iqtisadiyyatı yaxşılaşdırmaq, həmçinin, xərçəng kimi xəstəliklərin müalicəsi üçün potensiala malik olduğunu söylədi. Keçən ilin noyabrında Böyük Britaniya süni intellekt təhlükəsizliyinə həsr olunmuş ilk institut yaratdı və bu mövzuda qlobal sammitə ev sahibliyi etdi. Sammitdən sonra 25-dən çox ölkə texnologiyanın ciddi, hətta dağıdıcı risklərini etiraf edən Bletçli Bəyannaməsini imzaladı.

“Microsoft”, “Google” və “Amazon” da daxil olmaqla, süni intellekt sahəsində aparıcı şirkətlərin rəhbərləri hökumətin açıqlamasını alqışlayıblar.

Elmir