"Apple" kompüter istifadəçiləri saxta brauzer yeniləmə bildirişləri vasitəsilə baş verən haker hücumunun qurbanı olublar. 

Valyuta.az "BleepingComputer"ə istinadən xəbər verir ki, zərərli proqram sındırılmış vebsaytlar vasitəsilə yayılır, "Google Chrome" və "Apple Safari" üçün yeniləmələri ehtiva edən saxta fayllarda yer alır.

Yeniləmələr bu faylların içərisində "RedLine", "Amadey" və ya "Lumma" viruslarını tapıb.

Hücum hakerlərin "Telegram" qrupları vasitəsilə 1000 dollara yaydığı "Atomic Stealer" proqramından istifadə etməklə həyata keçirilir. Aktivləşdirildikdən sonra proqram parolları, kukiləri və kredit kartı məlumatlarını oğurlaya, həmçinin kompüterinizdəki yerli fayllara daxil ola bilər.

Mütəxəssislər "Mac" kompüter sahiblərinə diqqətli olmağı və proqram təminatının yenilənməsi ilə bağlı şübhəli təkliflərlə razılaşmamağı tövsiyə edir.

Noyabrın 22-də artıq internetdə virusa yoluxmuş "Chrome" və "Safari" yeniləmələrinin göründüyü bildirilmişdi. Və AMOS ilk dəfə 2023-cü ilin yazında məlum olub. Kibertəhlükəsizlik mütəxəssisləri bu hücumu "ClearFake" adlandırıblar. Hücum sxemi ondan ibarətdir ki, "Google" axtarış reklam banneri veb saytlarda görünür və brauzer üçün yeniləməni yükləməyi təklif edir.

Paşa Məmmədli