AnTuTu etalonunun tərtibatçıları öz internet səhifəsində performans rekordu təyin edən qarşıdan gələn "Red Magic 9 Pro" oyun smartfonunun sınaqlarının nəticələrini dərc ediblər.

Valyuta.az xəbər verir ki, "Snapdragon 8 Gen 3" çipi, 24 QB əməli yaddaş və 1 TB daxili yaddaşa malik "Red Magic 9 Pro" smartfonu 2,29 milyon xal toplaya bilib və benchmark rekordunu qırıb. Sistem yeni prosessoru 516 min bal, qrafik prosessoru 904 min bal, yaddaş və interfeys performansını isə müvafiq olaraq 457 və 412 min bal qiymətləndirib.

Göründüyü kimi, istehsalçı flaqman çipi, yüksək yaddaş tutumu və mürəkkəb soyutma sayəsində belə yüksək nəticələr əldə edə bilib.

Məlumdur ki, "Red Magic 9 Pro" oyun smartfonu həmçinin ekranın altındakı ön kamera, aktiv soyutma sistemi, uclarda toxunma triggerləri və kameranın çıxmayacağı düz arxa panellə təchiz olunacaq.

Yeni məhsulun rəsmi təqdimatı noyabrın 23-də Çində baş tutacaq. "Red Magic 9" seriyalı smartfonların Çindən kənarda satılıb-satılmayacağı barədə məlumat verilmir.

Paşa Məmmədli