BAKU Azərbaycan
25.03°C
  • 1 ABŞ dolları
    1.7
  • 1 Avro
    1.8352
  • 1 Rusiya rublu
    0.019
  • 1 Türkiyə lirəsi
    0.0527
  • 1 İngiltərə funt sterlinqi
    2.1581
32437

“50K”, “100K”, “500k” və s. tipli rəqəmləri bir çox sosial şəbəkə profillərində görürük. Yəni bu profillərin 50, 100, 500 min və s. izləyicisi var. Səhifədəki paylaşıma gələn reaksiya sayı isə bir çoxunda 20-30-100 kimi olur. Sual yaranır ki, o qədər izləyici varsa, niyə bəyənmə azdır? Deməli, real deyil. Çünki paylaşımlarla izləyici artımına nail ola bilməyəndə, səhifə sahibləri bunun üçün asan üsullardan istifadə edirlər. Bəs o izləyici saylarının nə qədəri realdır? O izləyicilər necə və hansı qiymətə əldə edilir?

Rəqəmsal marketoloq Mirsəid Hüsülü valyuta.az-a açıqlamasında bildirdi ki, səhifələrin 80 faizdən çoxunda izləyici sayı real deyil: “500 min izlənmə olan səhifədə edilən paylaşımda bəyənmə sayı 1000-dirsə, deməli, 500 min izləyici real deyil. Həqiqi 500 min izləyicisi olan səhifənin paylaşımında minimum 20-25 min bəyənmə olmalıdır. 20 faizə gəlincə, onlar tanınmış sənətkarlar və şəxsiyyətlərdir. Onlarda izləyici sayı ən çox 100-300 min arasıdır. Onların böyük qismində real ola bilər”.

Sosial şəbəkə səhifələrində izləyicini saxta yolla artırmağın bir neçə yolu var. Onlardan ən məşhuru “panel”dir. Bütün sosial şəbəkə profillərində panel vurulması ilə izləyici sayını artırmaq mümkündür. Paneldə 10 min izləyici üçün qiymət 5-10 manat arasındadır. 1000 nəfər izləyici üçün isə 3 manat ödəməlisiniz. Əgər real 1000 izləyici istəyirsinizsə, 5 manat ödəməlisiniz. Mütəxəssislər bildirirlər ki, panellə edilirsə, real deyil, sadəcə müştərini cəlb etmək üçün istifadə edilən bir üsuldur.

“İnstagram”da izləyici sayını artırmaq üçün həm də “Giveaway”lərdən istifadə də geniş yayılıb. Onların qiymətləri ilə də maraqlandıq. “Giveaway”də ortalama 10 min izləyici üçün qiymət 50-100 azn arasında dəyişir.

H.Mirsəid panel vurulmasını məsləhət görmür: “Panel vurulması işini görənlər deyirlər ki, izləyicilərinizi, rəylərinizi artıracağıq. Səhifəsində çox izləmə olmasını istəyənlərə də bu təklif cəlbedici gəlir. Deyir ki, 300 izləyicim var, müəyyən bir məbləğlə izləyici sayımı 50-100 minə qaldıra bilərəm. Həmin şəxslər nəzərə almalıdırlar ki, 300 izləyicisi olan səhifənin bir gündə izləyici sayı 10-20 minə çatırsa, bu səhifə dibə çökür. Bu zaman reklama çıxa bilmir, bloka düşür. Həmin səhifəni blokdan çıxarmaq üçün 1-8 həftə zaman lazımdır”.

Rəqəmsal marketoloq bildirdi ki, “düşməyən panel” adı altında vəd verilən izləyici sayı da real deyil: “Əsasən xarici saytlar, xüsusilə türk saytlarından birbaşa olaraq internet adresi çəkirlər və Azərbaycanda da panel vurulmasını həyata keçirirlər. Onların artırdığı izləyicilər müəyyən müddətdən sonra azalmağa başlayır. Panellə gələn izləyicilərin profilləri “İnstagram” robotu tərəfindən aşkarlandığı üçün sizin izləmənizdən çıxarılır və yenə izləyiciləriniz azalır”.

İnternetdə pulsuz panel xidməti təklif edən platformalar da var. H.Mirsəid bunların riskli olduğunu deyir: “Pulsuz panel vurulmasını təklif edən saytlar çoxdur. Onlar səhifəmizin izləyici sayını artırmaq üçün bizdən “İnstagram” hesabımızın adını və şifrəsini istəyirlər. Əgər biz ona bunları təqdim etsək, “İnstagram” hesabımıza yenidən giriş edə bilməyəcəyik. Əgər biz onlar vasitəsilə hansısa sosial şəbəkə üçün panel vururuqsa, sosial şəbəkə hesabımız avtomatik olaraq panel hovuzuna düşür və profilimiz gələcək qurbanlar üçün istifadə olunur. Bu yolla izləyici artırmağa getməyi qətiyyən tövsiyə etmirəm. Bu hesabı yenidən qaytarmaq üçün bəlkə də 3 ay müddət lazımdır. Bir qisim saytlar isə sadəcə “İnstagram” hesabının, yaxud paylaşımının linkindən istifadə etməklə bizə izləyici sayını artırmağı vəd edir. “İnstagram” alqoritmi bu cür fəaliyyətləri tapdığı an sizin profili spama salır və müddət verir. O müddət aralığında bəyənmə, rəy, yaxud mesaj yazma qadağası qoyur. Bəzən bunların hamısına, bəzən hansısa birinə məhdudiyyət qoyur”.

“Giveaway”lərə gəlincə, marketoloq bu üsulu da məsləhət görmür. Deyir ki, bu yarışlar da bizə real izləyici vermir: “İnsanların çoxunda saxta hesablar var, “Giveaway”lərə məhz o hesabla qoşulub yarışlarda müxtəlif səhifələri izləyirlər. Bütün bunlar “Giveaway”in aktivliyini artırır, ancaq səhifəniz üçün real izləyici olmur”.

H.Mirsəid qeyd etdi ki, saxta izləyicilərə xərclənilən pulu “META” və ya “Google ADS” reklamlarına ayırsalar, daha tez real müştəri və ya maraq dairəsinə sahib insanlara çata bilərlər.

Qarakişi Vəlizadə 
 

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Bazarlar ABŞ-ın inventar məlumatlarını gözləməsi fonunda ucuzlaşdı

May ayının sonuna olan hava proqnozu

Bu məhsulun xaricdən alış qiyməti ton üçün 70 manata yaxın ucuzlaşıb

İşdə xoşbəxt olmaq niyə vacibdir?

Azərbaycan Türkiyəyə qaz nəqlini 2 %-dən çox artırıb

Ağdam Sənaye Parkında bu il 5-dən çox müəssisə fəaliyyətə başlayacaq

Azərbaycanda 7 sığorta vasitəçisinin lisenziyasının qüvvəsi bərpa edilib

Bakıda I sinfə qəbulla bağlı 30 mindən çox sorğu yerləşdirilib

TikTok canlı yayımlardan pul qazanmaq üçün yeni qaydalar təqdim etdi

Azərbaycanda beş ayda valyuta hərraclarında 3 mlrd. dollar satılıb

Dünən açılmalı idi, hələ də bağlıdır...

Azərbaycan Milli Xalça Muzeyinə direktor təyin olunub

Azərbaycan Milli Xalça Muzeyinə direktor təyin olunub

İstedadlı insan zəhmətkeş deyilsə… - Uğurumuza təsir edən 3 əsas komponent

"Mingəçevir Nərgiz Klinikasi" 15 min cərimələnə bilər – 15 min də borcu var

Zəngəzura 73 milyon ayrıldı: ikinci faza start götürür

Bakı Enerji Həftəsində 300 şirkət iştirak edəcək

Şirkətlər 500 milyon manatdan çox vəsaitlərini "Yelo Bank" dan geri çəkiblər

Axşam vaxtlarında dolmadan hərəkət etməyən marşrut avtobusları – Qrafik necə tənzimlənir?

"Tesla" çətin günlər yaşayır  - Maskın şirkətində nə baş verir?

NİİM sürücülərə müraciət edib

Uğurlu lider olduğunuzu göstərən 6 əlamət

Azərbaycanda daha üç şirkət ləğv edilib

Qəbul imtahanı verəcək abituriyentlərin sayı açıqlandı

Yeni mərkəzin tabeliyində hansı xəstəxanalar var?

Qurban bayramı gəlməmiş qiymətlər artdı - Heyvan bazarındakı son durum

Sabah bu prospektdə hərəkət məhdudlaşdırılacaq

İyunun 2-də 36 minə yaxın abituriyent qəbul imtahanı verəcək

İşçi xəbərdarlıq olunmadan işdən çıxarıla bilər?

14 bank qiymətli kağızlara investisiyanı azaldıb – SİYAHI

Bütün xəbərlər

Xəbərin mətnində orfoqrafik səhv var

Qeydinizi daxil edin