Pandemiya və çip çatışmazlığı da buna əngəl ola bilməyib...

Dünən ABŞ-ın 3 iri texnologiya şirkəti - Apple, Microsoft və Google-un ana şirkəti Alphabet cari ilin 2-ci rübünə dair göstəriciləri açıqlayıblar.

Valyuta.az Marja.az-a istinadən xəbər verir ki, pandemiyanın yaratdığı məhdudiyyətlərə və çip böhranı və qlobal təchizat zəncirindəki problemlərə baxmayaraq, rəqəmsal inkişaf bumu da da genişlənib.

Nəticələr belədir:

Apple

Gəlirlər - 81,4 milyard dollar (+36%); Xalis mənfəət - 21,7 milyard dollar (45 ilin ən yaxşı göstəricisi)

O cümlədən: Iphone smartfonlarının satışından gəlirlər - 39,6 milyard dollar.

Microsoft

Gəlirlər - 46,2 milyard dollar (+21%); Xalis mənfəət - 16,5 milyard dollar

O cümlədən: kommersiya məqsədli bulud (cloud) texnologiyalarından gəlir - 19,5 milyard dollar.

Alphabet (Google)

Gəlirlər - 61,88 milyard dollar (+62%); Xalis mənfəət - 18,53 milyard dollar (ikiqat artım)

O cümlədən: reklam (Google Ads) gəlirləri - 50,4milyard dollar (+69%); bulud texnologiyalarından gəlir - 4,63 milyard dollar.

Bugün daha bir iri şirkət - ən böyük qlobal sosial şəbəkə olan Facebook, sabah isə Amazon nəticələri açıqlayacaq.