“Azerbaijan İnternational Telecom” (“AzInTelecom”) MMC tərəfindən keçirilən tender müsabiqəsinə yekun vurulub.

Valyuta.az məlumat verir ki, tender Hökumət Buludu layihəsi çərçivəsində mövcud şəbəkənin genişləndirilməsi məqsədilə avadanlıqların satın alınması ilə bağlı idi. Tenderin qalibi “Bestcomp Group” QSC olub. Tərəflər arasında imzalanacaq satınalma müqaviləsinin dəyəri 12 milyon 364 min 966 manat təşkil edib.

Qeyd edək ki, “Bestcomp Group” QSC 2008-ci ildə dövlət qeydiyyatına alınıb. Nizamnamə kapitalı 8 milyon 962 min 330 manat olan şirkətin qanuni təmsilçisi Fərid Həsənov Rafiq oğludur.

Xatırladaq ki, "AzInTelecom" 2015-ci ildə yaradılıb. Onun nizamnamə kapitalı 5,374 milyon manatdır. Şirkətin fəaliyyət istiqamətləri Azərbaycan və xarici ölkələr arasında beynəlxalq səs trafikinin mübadiləsinin təşkili, Azərbaycana idxal olunan telekommunikasiya vasitələrinin sertifikatlaşdırılması və yeni yaradılmış Data Mərkəzi nəzdində "İnfrastruktur Xidmət kimi" (IaaS) əsaslı xidmətlərdən ibarətdir.

Əvəz Həsənov