Şuşada musiqi alətlərinin təmiri ilə bağlı ixtisasın tədrisi nəzərdə tutulur.

Valyuta.az xəbər verir ki, bunu “Report”a müsahibəsində Peşə Təhsili üzrə Dövlət Agentliyinin direktoru Ceyhun Kərəmov deyib.

Onun sözlərinə görə, bəzi spesifik sahələr var ki, bu istiqamətlərdə mövcud tarixi ənənələr davam etdirilməlidir: “Məsələn, Şuşada musiqi alətlərinin təmiri ilə bağlı ixtisasın tədrisi planlaşdırılır. Çünki Şuşa bizim musiqimizin, mədəniyyətimizin beşiyi olan şəhərdir və oradakı peşə təhsil müəssisəsinin bu il layiləhələndirilməsi zamanı həmin ixtisasın nəzərə almağı planlaşdırırıq. Bəlkə də Azərbaycanda yeganə müəssisə olacaq ki, orada bu ixtisas tədris olunacaq”.

Qeyd edək ki, Artıq Qarabağda peşə təhsili müəssisələrinin tikintisinə başlanılıb. Hazırda Füzulidə Peşə Təhsil Mərkəzi tikilir. Bu il həm də Ağdam, Qubadlı, Zəngilan, Cəbrayıl və Şuşada peşə təhsili müəssisələrinin layihələndirmə işinə başlanılacaq.