Ötən il Azərbaycan xaricə 94 milyon 144 min ABŞ dolları dəyərində 1 milyard 753 milyon 47 min kVt/saat elektrik enerjisi ixrac edib.

Valyuta.az rəsmi məlumatlara istinadən xəbər verir ki, elektrik enerjisi ixracının miqdarı 2023-cü illə müqayisədə 2 milyard 566 milyon 807 min kVt/saat (2,4 dəfə), dəyəri isə 308 milyon 339 min ABŞ dolları (4,3 dəfə) azdır. 2023-cü ildə Azərbaycandan xarici ölkələrə 4 milyard 319 milyon 854 min kVt/saat elektrik enerjisi satılıb ki, bundan da əldə olunan gəlir 402 milyon 483 min ABŞ dolları olub.

Qeyd edək ki, ixrac edilən elektrik enerjisi ümumi ixracın 0,35%-ini, qeyri-neft sektoru üzrə ixracın 2,8%-ini tutub.

Əvəz Həsənov