Bu ilin yanvar-noyabr aylarında Azərbaycanla xarici ölkələr arasında ticarət əməliyyatlarının həcmi 43 milyard 109 milyon 552 min ABŞ dolları olub.

Valyuta.az rəsmi məlumatlara istinadən xəbər verir ki, ticarət əməliyyatlarının 18 milyard 771 milyon 689 min ABŞ dolları idxalın, 24 milyard 337 milyon 862 min ABŞ dolları ixracın payını düşüb.

İxracda ən böyük pay özəl sektora düşüb. Belə ki, bu dövrdə özəl sektorun ixracdakı payı 12 milyard 801 milyon 105 min ABŞ dolları olub. Bu, ötən ilin eyni dövrü ilə müqayisədə 4 milyard 756 milyon 423 min ABŞ dolları və ya 27,1% azdır. 2023-cü ilin yanvar-noyabr aylarında özəl sektorun ixracdakı payını həcmi 17 milyard 557 milyon 528 min ABŞ dolları təşkil edib.

Qeyd edək ki, cari ilin hesabat dövründə ixracda özəl sektorun xüsusi çəkisi 52,6%, dövlət sektorunun xüsusi çəkisi 46,8%, fərdi şəxslərin xüsusi çəkisi 0,62% təşkil edib.

Əvəz Həsənov