11 ayda xarici ölkələrə 169 milyon dollarlıq pambıq lifi satılıb - Rəqəmlərdə artım

Bu ilin yanvar-noyabr aylarında Azərbaycandan xarici ölkələrə 113 min 980 ton miqdarında, 169 milyon 965 min ABŞ dolları dəyərində pambıq lifi satılıb.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə miqdar ifadəsi ilə 51 min 53 ton (81,1%), dəyər ifadəsi ilə 58 milyon 603 min ABŞ dolları (52,6%) çoxdur. 2023-cü ilin eyni dövründə Azərbaycandan xarici ölkələrə 62 min 927 ton miqdarında, 111 milyon 353 min ABŞ dolları dəyərində pambıq lifi ixrac edilib.

Qeyd edək ki, ixrac edilən pambıq lifi ümumi ixracın 0,70%-ini, qeyri-neft sektoru üzrə ixracın 5,50%-ini təşkil edib.

Əvəz Həsənov