Cari ilin yanvar-oktyabr aylarında Azərbaycana xarici ölkələrdən 810 kiloqram miqdarında doğranmış və ya döyülmüş mixək gətirilib.

Valyuta.az rəsmi məlumatlara istinadən xəbər verir ki, bu miqdarda məhsul alışına çəkilən xərcin həcmi 16 min 540 ABŞ dolları (28 min 118 manat) olub. İdxal olunan bir kiloqram mixəyin orta qiyməti 20,41 dollar (34 manat 71 qəpik) təşkil edib.

Bununla yanaşı, bu dövrdə xarici ölkələrdən Azərbaycana 115 min 500 kiloqram miqdarında, 1 milyon 35 min 680 dollar (1 milyon 760 min 656 manat) dəyərində doğranmamış və döyülməmiş mixək gətirilib. İdxal olunan mixəyin bir kiloqramının orta qiyməti 8,96 dollar (15 manat 24 qəpik) olub.

Əvəz Həsənov