Redaktor
Badımcanı Gürcüstana 34 qəpiyə, Ərəbistana 24 manata satırıq - ÖLKƏLƏR, QİYMƏTLƏR
Cari ilin yanvar-sentyabr aylarında Azərbaycana xarici ölkələrdən 8 min 939 ton 740 kiloqram təzə və ya soyudulmuş badımcan gətirilib.
Valyuta.az rəsmi məlumatlara istinadən xəbər verir ki, bu miqdarda məhsul alışına 4 milyon 472 min 370 ABŞ dolları vəsait xərclənib. İdxal olunan badımcanın bir kiloqramının orta gömrük qiyməti 50 sent (85 qəpik) təşkil edib.
Azərbaycanın badımcan aldığı ölkələr:
| Ölkələr | Miqdar (ton) | Məbləğ (min ABŞ dolları) | Bir kiloqram üçün orta qiymət (dollar) | Bir kiloqram üçün orta qiymət (manat) |
| İran İslam Respublikası | 8464,88 | 4234,88 | 0,5 | 0,85 |
| Türkiyə | 474,86 | 237,49 | 0,5 | 0,85 |
| Valyuta.az |
Bu dövrdə Azərbaycandan xarici ölkələrə 83 ton 480 kiloqram badımcan satılıb. Bu miqdarda məhsul satışından əldə olunan gəlir 89 min 670 dollar olub. İxrac olunan badımcanın bir kiloqramının orta qiyməti 1,07 dollar (1,82 manat) təşkil edib.
Azərbaycanın badımcan satdığı ölkələr:
| Ölkələr | Miqdar (ton) | Məbləğ (min ABŞ dolları) | Bir kiloqram üçün orta qiymət (dollar) | Bir kiloqram üçün orta qiymət (manat) |
| Rusiya | 29,77 | 33,23 | 1,11 | 1,88 |
| Gürcüstan | 50,45 | 10,09 | 0,2 | 0,34 |
| Səudiyyə Ərəbistanı | 3,26 | 46,35 | 14,2 | 24,14 |
| Valyuta.az |
Hesablamalardan da göründüyü kimi xaricə satılan badımcanın bir kiloqramının orta qiyməti xaricdən alınan badımcanın qiymətindən 0,97 qəpik və ya 2,14 dəfə baha satılır.
Əvəz Həsənov
