Xəbər verdiyimiz kimi "Bitcoin" (BTC) növbəti mühüm mərhələyə çataraq "gümüş"ün 1,732 trilyon dollarlıq dəyərini ötüb və dünya üzrə səkkizinci ən böyük aktivə çevrilib. 

Son həftələrdə güclü institusional tələbin və spot "Bitcoin" ETF-lərinə olan marağın davam etməsi ilə "BTC" son bir həftədə gözlənilməz şəkildə 27% artım əldə edib.

"Bitcoin" yüksəlişini davam etdirərsə və qiyməti tezliklə 90.000 dollar səviyyəsini aşaraq yeni bir tarixi zirvəyə ("ATH") çatarsa, dünyanın ən böyük neft şirkəti "Saudi Aramco"nu da geridə qoyacaq.

"Companiesmarketcap"ın statistikasına istinadən "Bitcoin" sadəcə 3% artım əldə edərsə dünyanın ən böyük neft şirkəti olan "Saudi Aramco"nu keçə bilər.

Bəs dünyanın ən böyük aktivləri hansılardır? 

Beynəlxalq statistikalara əsasən bazar dəyərinə görə ən qiymətli aktiv 17.464 trilyon dollar bazar dəyəri ilə "Qızıl" hesab olunur. Qızılı 3.553 trilyon dolarla “NVIDIA”, 3.389 trilyon dollarla “Apple”, 3.107 trilyon dollarla “Microsoft”, 2.216 trilyon dollarla “Google”, 2.174 trilyon dollarla “Amazon” və 1.801 trilyon dollar bazar dəyəri ilə"Saudi Aramco" izləyir.

Bazar dəyərinə görə ən yaxşı aktivlər sıralamasında "Bitcoin" 1.738 trilyon dollarla 8-ci, "Gümüş" 1.709 trilyon dollarla 9-cu, "Meta" (Facebook) isə 1.472 trilyon dollarla 10-cu sırada yer alıb.

“The Kobessi Letter” maliyyə platformasının analitikləri "Bitcoin" və qızılın bazar dəyərini müqayisə edərək yazıb: “Qızılın hələ də "Bitcoin"dən 10 dəfə böyük olması inanılmazdır. Bu vəziyyət təkcə qızılın nə qədər böyük olduğunu deyil, həm də "Bitcoin"in nə qədər böyük ola biləcəyini göstərir.”

Rəhim