Cari ilin yanvar-sentyabr aylarında Azərbaycanda sahələrdən 19 min 735,6 ton miqdarında pambıq yığılıb.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə 5 min 440,1 ton və ya 38% çoxdur. Ötən ilin eyni dövründə Azərbaycanda sahələrdən 14 min 295.5 ton miqdarında pambıq yığılıb.

Ən çox pambıq 8 min 149.3 ton miqdarı ilə Sabirabad rayonundan yığılıb. İkinci ən çox pambıq yığılan rayon 3 min 657 ton miqdarı ilə Neftçala rayonu olub. Üçüncü yerdə isə 3 min 382.9 ton miqdarında pambıq yığımı ilə Saatlı rayonu dayanır.

Qeyd edək ki, bu il Azərbaycanda 102 min 781.5 hektar ərazidə pambıq əkini həyata keçirilib.

Əvəz Həsənov