2024-cü ilin ilk üç rübündə Gürcüstan turizm sektorundan rekord həddə - 3,5 milyard dollar -  gəlir əldə edib ki, bu da 2023-cü ilin eyni dövrü ilə müqayisədə 6,5% çoxdur. 

Valyuta.az Gürcüstan Milli Turizm Administrasiyasının mətbuat xidmətinə istinadən xəbər verir ki, Gürcüstanın 2024-cü ildə turizm gəlirləri ötən ilin eyni dövrü ilə müqayisədə 210 milyon dollar artıb. Yalnız bu ilin üçüncü rübündə Gürcüstan turizmdən 1,6 milyard dollar qazanıb.

Gürcüstan 2024-cü ilin üç rübü ərzində ən çox gəliri Avropa İttifaqı və Böyük Britaniyadan gələn turistlərdən əldə edib - 456 milyon dollar. Bu rəqəm 2023-cü ilin oxşar dövrü ilə müqayisədə 6,7% (29 milyon dollar) çoxdur.

Açıqlanan hesabatda həmçinin qeyd olunub ki, Gürcüstan ilk doqquz ay ərzində İsraildən gələn turistlərdən 323 milyon dollar, Səudiyyə Ərəbistanından gələn turistlərdən 108 milyon dollar gəlir əldə edib. İsraildən gələn turistlərdən əldə olunan gəlir ötən ilin eyni dövrü ilə müqayisədə 64 milyon dollar, Səudiyyə Ərəbistanından gələn turistlərdən əldə olunan gəlir isə ötən ilin eyni dövrü ilə müqayisədə 19 milyon dollar çox olub.

Rəhim