Bu ilin yanvar-may aylarında Azərbaycana xarici ölkələrdən 33 milyon ədəd siqaretlər gətirilib.

Valyuta.az Dövlət Statistika Komitəsinə istinadən xəbər verir ki, buna xərclənən vəsait 943,2 min ABŞ dolları (1 603 440 manat) olub. Bir qutu siqaretin (20 ədəd) orta qiyməti 0,57 ABŞ dolları (0,97 qəpik) olub.

Bəs Azərbaycanda siqaretlər neçəyə satılır?

Açıqlanan rəsmi məlumatlara görə, idxal olunan bir qutu filtirli siqaretin orta qiyməti iyun ayında 3,56 manat olub. Hesablamalardan göründüyü kimi xaricdən alınan siqaret ilə pərakəndə satış mərkəzlərində satılan siqaretlərin qiyməti arasında 2,59 manat fərq var. Bu o deməkdir ki, idxal olunan siqaret marketlərdə 3,7 dəfə baha satılır.