Cari ilin ilk dörd ayında Azərbaycan xarici ölkələrə 148 min 60 ton miqdarında metanol (metil spirti) satıb.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 29 milyon 176 min ABŞ dolları dəyərində olub. Bu, ötən ilin eyni dövrü ilə müqayisədə miqdar ifadəsi ilə 7 min 425 ton (5,27%) çox, dəyər ifadəsi ilə 1 milyon 775 min ABŞ dolları (5,73%) azdır. Ötən ilin yanvar-aprel aylarında Azərbaycanın metanol (metil spirti) ixracının miqdarı 140 min 635 ton, dəyəri isə 30 milyon 951 min ABŞ dolları olub.

Hesabat dövründə xaricə satılan metanol (metil spirti) bir tonu üçün orta qiyməti 197 ABŞ dolları olub ki, bu da illik müqayisədə 23 ABŞ dolları azdır. Ötən ilin eyni dövründə bu qiymət 220 ABŞ dolları təşkil edib.

Qeyd edək ki, bu ilin ilk dörd ayında Azərbaycanın metanol (metil spirti) ixracı ümumi ixracın 0,36 faizini, qeyri-neft sektoru üzrə ixracın 3,17 faizini təşkil edib.

Əvəz Həsənov