Cari ilin yanvar-mart aylarında Azərbaycan xarici ölkələrdən 29,5 milyon ABŞ dolları dəyərində mebel və onun hissələrini alıb.

Valyuta.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 2,9 milyon ABŞ dolları, yaxud da 9 faiz azdır. 2023-cü ilin birinci rübündə xaricdən alınan mebel və onun hissələrinə çəkilən xərc 32,4 milyon ABŞ dollar olub.

Qeyd edək ki, hesabat dövründə idxal olunan mebel və onun hissələri ümumi idxalın 0,80 fazini təşkil edib.

Əvəz Həsənov