2024-cü ilin yanvar-fevral ayları ərzində Azərbaycan Xarici ölkələrdən 5 min 263 ton miqdarında əczaçılıq məhsulları alıb.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 79 milyon 278 min ABŞ dolları olub. Bu, ötən ilin eyni dövrü ilə müqayisədə miqdar ifadəsi ilə 711 ton (11,9%), dəyər ifadəsi ilə 69 milyon ABŞ dolları (46,5%) azdır. 2023-cü ilin eyni aylarında Azərbaycanın əczaçılıq məhsulları idxalı 5 min 974 ton miqdarında, 148 milyon 277 min ABŞ dolları dəyərində olub.

Qeyd edək ki, cari ilin ilk iki ayında ölkəyə gətirilən əczaçılıq məhsulları ümumi idxalın 3.24 faizini təşkil edib.

Əvəz Həsənov