Cari ilin yanvar-fevral aylarında Azərbaycan xarici ölkələrə 110 min 230 ton hazır və ya klinker formasında olan sement ixrac edib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 6 milyon 333 min ABŞ dolları olub. Bu rəqəm ötən ilin eyni dövrü ilə müqayisədə miqdar ifadəsi ilə 19 min 958 ton (22,1%), dəyər ifadəsi ilə 1 milyon 627 min ABŞ dolları (34,5%) çoxdur. 2023-cü ilin ilk iki ayında sement ixracının miqdarı 90 min 272 ton, dəyəri isə 4 milyon 706 min ABŞ dolları olub.

Qeyd edək ki, yanvar-fevral aylarında edilən hazır və ya klinker formasında olan sement ixracı ümumi ixracın 1,55 faizini təşkil edib.

Əvəz Həsənov