Cari ilin yanvar ayında Azərbaycan xarici ölkələrə 1 milyon 462 min 278 ton “bitumlu süxurlardan alınmış xam neft və xam neft məhsulları” ixrac edib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsuldan əldə olunan gəlir 863 milyon 453 min ABŞ dolları olub. Bu, ötən ilin ilk ayı ilə müqayisədə miqdar ifadəsi ilə 783 min 840 ton (34.9%), dəyər ifadəsi ilə 534 milyon 293 min ABŞ dolları (38.2%) azdır. 

2023-cü ilin yanvar ayında Azərbaycandan xaricə 2 milyon 246 min 118 ton miqdarında, 1 milyard 397 milyon 747 min ABŞ dolları dəyərində “bitumlu süxurlardan alınmış xam neft və xam neft məhsulları” ixrac olunub.

Qeyd edək ki, yanvar ayında ixrac olunan “bitumlu süxurlardan alınmış xam neft və xam neft məhsulları” ümumi ixracın 46.83 faizini təşkil edib.

Əvəz Həsənov