Ötən ay Azərbaycana Çindən gətirilən məhsulların dəyəri 217 milyon 830 min ABŞ dolları olub.

Valyuta.az Dövlət Gömrük Komitəsinə istinadən xəbər verir ki, bu rəqəm illik müqayisədə 19.4% və ya 35 milyon 455 min ABŞ dolları çoxdur.

İdxalda ikinci əsas ölkə 189 milyon 208 min ABŞ dolları dəyəri ilə Rusiya olub ki, bu da 2023-cü ilin yanvar ayı ilə müqayisədə 78 milyon 585 min ABŞ dolları (29.4%) azdır. Türkiyə bu ilin yanvar ayı ərzində idxalda üçüncü sırada qərarlaşıb. Belə ki, ötən ay Türkiyədən 170 milyon 484 min ABŞ dolları dəyərində idxal əməliyyatı həyata keçirilib ki, bu, ötən ilin ilk ayı ilə müqayisədə 11 milyon 706 min ABŞ dolları (6.4%) azdır.

Qeyd edək ki, idxal əməliyyatları üzrə 19.07 faiz İtaliyanın, 16.57 faiz Rusiyanın, 14.93 faiz Türkiyənin 49.43 faiz isə digər ölkələrin payına düşüb.

Əvəz Həsənov