Ötən ay Azərbaycana 5 min 833 ton düyü gətirilib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 5 milyon 917 min ABŞ dolları olub. Bu, son beş ilin göstəricisi ilə müqayisədə miqdar ifadəsi ilə 1 min 255 ton(27.4%), dəyər ifadəsi ilə 2 milyon 414 min ABŞ dolları (68.9%) çoxdur. 2019-cu ilin yanvar ayında düyü idxalı 4 min 578 ton miqdarında 3 milyon 503 min ABŞ dolları dəyərində olub.

Yanvar ayında ölkəyə gətirilən düyünün bir tonu üçün 1 min 14 ABŞ dolları ödənilib ki, bu da 2019-cu ilin yanvar ayı ilə müqayisədə 249 ABŞ dolları (32.5%) çoxdur. 2019-cu ilin yanvar ayında bu rəqəm 765 ABŞ dolları olub.

Qeyd edək ki, yanvar ayı ərzində ölkəyə gətirilən düyü ümumi idxalın 0.52 faizini təşkil edib.

Əvəz Həsənov