Ötən ay Azərbaycan 6 min 858 ton ilkin formalarda olan polietilen ixrac edib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 7 milyon 4 min ABŞ dolları olub. Ötən ilin eyni ayı ilə müqayisədə bu rəqəm miqdar ifadəsi ilə 8 min 46 ton (53.9%), dəyər ifadəsi ilə 7 milyon 890 min ABŞ dolları (52.9%) azdır. 

2023-cü ilin yanvar ayında bu rəqəm 14 min 904 ton miqdarında, 14 milyon 895 ABŞ dolları dəyərində olub.

Yanvar ayında ixrac olunan ilkin formalarda polietilen  yanvar ayının ümumi ixracının 0.38 faizini, qeyri-neft sektoru üzrə ixracın 3.15 faizini təşkil edib.

Əvəz Həsənov