Ötən ay Azərbaycanın xarici ölkələr ilə 2 milyard 986 milyon ABŞ dolları dəyərində ticarət əməliyyatı aparıb.

Valyuta.az Dövlət Gömrük Komitəsinə istinadən xəbər verir ki, bu rəqəm 2023-cü ilin eyni ayı ilə müqayisədə 9.2%, yaxud da 303 milyon ABŞ dolları azdır. Xarici ticarət dövriyyəsinin 1 milyard 844 milyon ABŞ dolları ixracın, 1 milyard 142 milyon ABŞ dolları isə idxalın payına düşüb ki, bu da ötən ilin yanvar ayı ilə müqayisədə müvafiq olaraq 1.7% və 19.1% azdır.

Nəticə etibarı ilə xarici ticarətdə 702 milyon ABŞ dolları dəyərində müsbət saldo yaranıb ki, bu da ötən ilin eyni ayı ilə müqayisədə 51.2% və ya 238 milyon ABŞ dolları çoxdur.

Əvəz Həsənov