Video və şəkillər üzərində fokuslanan süni intellekt həlləri gündən-günə daha da populyarlaşmağa davam edir. Süni intellektlə videolara əlavələr etməyə imkan verən “Rembrand” startapı yeni investisiya alıb.

Valyuta.az xəbər verir ki, “Rembrand” bu sahədə xidmətlər təqdim edən bir təşəbbüslə, A seriyası investisiya turunda 23 milyon dollarlıq sərmayə alıb.

“Rembrand”ın paylaşdığı məlumata görə, 23 milyon dollarlıq yeni investisiya şirkətin böyüməsini sürətləndirmək üçün istifadə olunacaq. 2022-ci ildə Əhməd Saad, David Wiener, Omar Tawakol və Abdelrahman Mohamed tərəfindən ABŞ-da qurulan “Rembrand” videolarda süni intellektlə dəstəklənən məhsul yerləşdirməsini yerləşdirməyə imkan verir.

Videolara brendlər əlavə etmək üçün süni intellektdən istifadə edən “Rembrand” izləyicilər üçün cəlbedici reklam təcrübəsi təqdim etməyi hədəfləyir. Əvvəlcə “YouTube” videolarını hədəfləyən “Rembrand” daha sonra “LinkedIn”, “TikTok” və “Instagram” videolarını da əlavə edib.

“Rembrand” tərəfindən təqdim edilən həll süni intellektdən istifadə etməklə çəkiliş və montaj prosesi tamamlanan videolara məhsul və brendlər əlavə etməyə imkan verir. Bir sözlə, məzmun istehsalçıları “Rembrand” ilə həm yeni, həm də köhnə videoları reklam alətinə çevirə bilərlər.

“Rembrand”ın süni intellektləri yaradıcılara virtual məhsulun harada yerləşdirilməsi, gəlir əldə etmək və necə göstəriləcəyini müəyyən etməyə kömək edir.

Əvəz Həsənov