BAKU Azərbaycan
17.03°C
  • 1 ABŞ dolları
    1.7
  • 1 Avro
    1.8375
  • 1 Rusiya rublu
    0.0189
  • 1 Türkiyə lirəsi
    0.0528
  • 1 İngiltərə funt sterlinqi
    2.1576
45976

Yəqin ki, şagirdlərin oyun oynayaraq pul qazanacağı tətbiqin olduğunu hələ çox adam bilmir. Amma şagirdlərin həm əylənərək, həm də təhsil alaraq və bunun qarşılığında pul qazanması mümkündür. Bu, tətbiqin təsisçiləri Şəmistan Əlizadə və Ramil Mirzəyevdir. “Dahi.az” şagirdlər üçün ödənişsiz təhsilə dəstək oyun tətbiqidir. Hər bir mərhələni şagird bitirdikdən sonra koinlər qazanır və topladığı koinləri pula çevirə bilir. 

Valyuta.az olaraq bu tətbiqin təsisçilərindən olan Şəmistan Əlizadə ilə söhbətləşdik. O deyir ki, şagirdlərin əlindən davamlı telefonu almağa çalışan valideynləri ətraflarında görüblər və bunu necə şansa çevirə biləcəkləri haqda düşünüblər:  "Nəticədə belə bir startap ortaya çıxdı. İdeya olaraq 2020-ci ildə pandemiyada mövcud idi, amma reallaşdırmaq 2023-cü ildə mümkün oldu".

Bəs Şəmistan Əlizadə kimdir?

“Dahi.az” təhsil dəstək oyun tətbiqinin həmtəsisçisi Şəmistan Əlizadə Qafqaz Universitetinin (indiki Bakı Mühəndislik Universiteti) “Riyaziyyat və İnformatika” fakültəsini fərqlənmə ilə bitirib. Daha sonra müxtəlif şirkətlərdə İT mütəxəssisi kimi çalışıb.

Şəmistan Əlizadə həm Azərbaycanda, həm də Rumıniyada müxtəlif platformalar yaradıb:

“2016-2022-ci illərdə Rumıniyanın Buxarest şəhərində “UNİT RETAİL GROUP”, “ROBRANDSHUB SRL”, “BRANDEDBAG PASE SRL” şirkətlərində İT mütəxəssisi olaraq çalışmışam. Bu dövrlərdə Ruminyada “www.brandshub.ro” onlayn alış-veriş platformasını qurmuş, platformanı kuryer sistemləri, ödəniş sistemləri, Rumıniya dövləti vergi sisteminə inteqrasiya etmişəm. Hazırda Rumıniya bazarı üçün “easyfactura.ro” adlı yeni bir layihəm mövcuddur.   
Ruminyadakı təcrübələrimdən sonra 2022-ci ildə Azərbaycana köçdüm. Azərbaycana köçməkdə məqsədim Azərbaycan üçün faydalı işlər görmək istəməyimdir. Rumıniyadakı şirkətlər ilə uzaqdan çalışmağa davam edirəm. 

2020-ci ildə pandemiyada təhsilə dəstək olmaq üçün “www.muellim.az” online təhsil platformasını qurdum. 2023-cü ildə şagirdlər üçün tam ödənişsiz “dahi.az” adlı oyun əsaslı mobil tətbiqimiz ilə 22 yanvar 2024-cü ildə KOBİA tərəfindən startap şəhadətnaməsi (№ KOB-SŞ- 6/2024) ilə təltif edildik”. 

Bundan əlavə, Şəmistan Əlizadə araşdırması nəticəsində “Pi” ədədinin fərqli üsul ilə daha dəqiq hesablanmasını tapıb.

Tətbiqin digər təsisçisi Ramil Mirzəyev inzibati idarəetmə ixtisası üzrə bakalavr, maliyyə idarəetməsi ixtisası üzrə magistr təhsili alıb. Onun özəl sektorda maliyyə və audit fəaliyyəti üzrə 15 il təcrübəsi var.

“Dahi.az” şagirdlər üçün ödənişsiz təhsilə dəstək oyun tətbiqi nədir?

Ş.Əlizadə deyir ki, bu proqram vasitəsilə şagirdlərdən telefonları ala bilməsək də, telefonu onlar üçün faydalı etməyə çalışırıq: "Şagirdlər “dahi.az” mobil tətbiqində öz sinif və fənnlərinə uyğun testlər cavablayaraq pul mükafatları qazana bilirlər. Hər bir mərhələni şagird bitirdikdən sonra koinlər qazanır və topladığı koinləri pula çevirə bilir. Mobil tətbiqimizdə şagirdlər üçün dahi sıralaması (ümumi, aylıq və günlük sıralama) mövcuddur. Şagirdlər topladıqları bala görə burada sıralanır. Bu sıralamaya görə də şagirdlərə əlavə mükafatlar verilir.

Mobil tətbiqin funksiyaları

- Kateqoriya üzrə oyun  modulu

- Qrup yarışı modulu

- Təkbətək yarış modulu

- Günlük sınaq modulu

- Əylən və öyrən modulu

- Özünü sınama modulu

- Dil öyrənmə modulu

- Səsli aual modulu

- Bilik yarışı modulu

Tətbiqimiz şagirdlər üçün tam ödənişsizdir və şagirdlərə pul mükafatı verən yeganə təhsil və oyun platformasıdır. Hazırda, platformanın 9 mindən çox istifadəçisi var".

Şagirdlərin necə və nə qədər qazanmasına gəlincə, Ş.Əlizadə bildirdi: "Belə ki, şagirdlər tətbiqdəki sualların cavabını vermək üçün 4-5 seçim əldə edir. Hər doğru cavab üçün 4 bal əldə edir, hər səhv cavab üçün 2 bal itirir.  Qeydiyyatdan keçən zaman 10 bal, hər səviyyə üzrə 70%-dən yuxarı nəticə göstərən şagirdlərə əlavə 4 bal verilir. Şagirdlər öz ballarını digər istifadəçilər ilə müqayisə edə bilir. Onlar hesablarındaki koinləri pul olaraq nağdlaşdıra və ya başqa seçimlər (hazırlıq, hədiyyə və s. kimi) dəyişə bilirlər. 10 min dahi koini 1 manata bərabərdir. Minimum nağdlaşdırma məbləği isə 5 manatdır, yəni, sizin balansınızdakı dahi koin sayı 50 min olduqda siz artıq nağdlaşdıra bilərsiniz. Nağdlaşdırma sorğusu göndərdikdən sonra  5-7 gün içərisində şagirdlərin hesabı yoxlanılır, əgər, hesabla bağlı hər hansı dələduzluq halı yoxdursa, nağdlaşdırma təsdiqlənir".

Əvəz Həsənov

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Dünyada turizmin cazibə mərkəzi: Türkiyə dünyada 5-cidir

Bu ölkə rusiyalı turistlərə vizaların verilməsini dayandırır

Boşanma zamanı qadına bu halda evdən pay düşür - Hüquqşünas AÇIQLADI

Hazırda dünyanın ən zəngin insanları – TOP 10

Keçən il qeydiyyata alınan işsizlərin sayı açıqlandı

Ölkədəki aliment ödəyicilərinin sayı açıqlandı

"Dönəri bir saat ərzində yemək lazımdır" - AQTA-dan XƏBƏRDARLIQ

Luiziana ştatındakı bataqlıqlar tamamilə quruya bilər

Türkiyənin Qabar dağında neft hasilatı artır

Qazaxda aramsız yağışların yaratdığı seldən görüntülər (FOTO/VİDEO)

ETSN: Kürdə suyun səviyyəsi kəskin artıb, Debed çayında sel davam edir

Londonda rusların milyonlarla dollar dəyəri olan daşınmaz əmlakları var - "The Telegraph"

Yevlax DYP-yə yeni rəis təyin olundu

FHN: Bəzi açıq sahələrdə Kür məcradan çıxıb, yaşayış məntəqələrinə təhlükə qeydə alınmayıb

İlon Mask 50 milyard dollardan çox itirə bilər

Əfv sərəncamı icra olundu

Azərbaycanlıların yaşadığı əraziləri su basdı - 15-dən çox kəndlə əlaqə kəsildi

Azərbaycanda hotellərə ulduz dərəcəsi hansı meyarlara görə verilir?

Avropada qazın qiyməti qısa müddətdə enə bilər - Analitik

ABŞ Avropa banklarına Rusiyadan ciddi risklər barədə xəbərdarlıq etdi

5 nəfərdə mobil telefon aşkarlandığı üçün imtahandan xaric edilib

48 mindən çox abituriyent II və III qruplara imtahan verdi

48 mindən çox abituriyent II və III qruplara imtahan verdi

Milli Hidrometeorologiya Xidməti subasma təhlükəsi ilə əlaqədar xəbərdarlıq etdi

ƏDV ödəyicisi olduqdan sonra əvvəlki dövrdə alınmış malların satışı

Rusiya Özbəkistanda AES tikəcək

Qazaxda çay daşdı: Torpaq sahələri və kafelər suyun altında qaldı (FOTO/YENİLƏNİB)

Ən məşhur Avropa təyyarəsinin adındakı “neo” suffiksi nə deməkdir?

Sabah yağış yağacaq, dolu düşəcək

Çimərlik mövsümü nə vaxt açıq elan ediləcək? (AÇIQLAMA)

Bütün xəbərlər

Xəbərin mətnində orfoqrafik səhv var

Qeydinizi daxil edin