“Technovate - Sabah Mələk İnvestorlar Klubu”nun həmtəsisçisi Fərid İsmayılzadə yazır…

Demək olar ki, hər gün vətəndən kimləsə startuplar barədə danışıram. Qərar verdim ki, həftədə bir dəfə bəzi mövzuları, xüsusən də miflər barədə nəsə yazım:

1. Startap edən milyarder olur - Mifdir! Milyarder, hətta milyoner olmaq üçün ilk olaraq startap böyük problemi həll etməlidir. Milyardlıq, yaxud qlobal problemi ya çox böyük ölkədə həll etməlisən. Dünya statistikasına görə cəmi 4-5 faiz startaplar uğurlu olur. Problemin həcmi və komanda bu işin əsas hissəsidir. Bir də maliyyələşməsi.

2. Startap edənlər hamısı batır, dəhşət risklidir. Tanrı Kərimdir - Bu da özünə görə mifdir. Artıq bir neçə dəfə uğurlu startap etmiş üçün uğur faizi inanılmaz dərəcədə yüksəkdir. Məncə, mənim uğurlu startap etmə ehtimalım 60%-in üzərindədir. Digərlərində də elədir. Elona, Jeff və digərlərinə baxın...

3. Pulu olan adam yeni startapı üçün pul toplamaz - Mifdir! Hər bir investorun rahat olduğu məbləğ var. Məsələn, deyək ki, mənim portfolio startapıma 100 min dollar lazımdır, bunun hamısını qoya biləcək imkanım ola bilər, amma qoymamalıyam. O 100 min dollar 50 mindən iki startapa gedə bilər. Qalan 50 mini isə dostdan tanışdan 5-10 min dollar şəklində toplamaq olar. Buna sərmayənin de-riskləşdirilməsi deyilir. O startap batarsa, biri var mənim bütün 100 minim batdı və başqa startapa pulum qalmadı. Biri də var, mənim 50 minim batdı, digərlərinin də 5 mini. Dünyanın sonu olmur ki. Yenisini etməyə imkan qalır. Uğurlu olanda isə, nə pislik oldu ki, dostlar tanışlar da 5 minlərini 500min elədilər. Ona görə də vəsait cəlb etmək həmişə hər startapa lazımdır. Və dünyada qəbul edilmiş adi bir şeydir.

4. Startap gənclərin işidir - Boş söhbətdir. Bəli mediada daha çox gənc varlananlardan danışırlar. Amma onlar bu işin cəmi 3-5 faizidir. Əksər uğurlar 40-dan yaşlı olanlardan olur.

5. Azərbaycanlılar xaricdə uğurlarından Azərbaycana nə? Mifdir! Hazırda mənim tanıdığım 4-5 azərbaycanlı startap həyatında uğurla hərəkət edirlər. Onlar Avropada, Britaniyada və Amerikadadırlar. Onlar uğuru Bakıdakılara ciddi ilham olacaq. Onların qazandıqları pulların bir hissəsi bir şəkildə Azərbaycana qayıdacaq! Onların xaricdə söz sahibi olması ölkəmizə siyası dəstək olacaq. Odur ki, xaricdə yaşayanların startplarını diqqətlə izləyin.