“Sosialyönlü artım ilk növbədə müavinət və pensiyalara təsir edəcək. Əlbəttə digər sosial ödənişlər də var”.

Bunu Valyuta.az-a açıqlamasında iqtisadçı ekspert Fuad İbrahimov 2024-cü ildə sosial təminat xərclərinin artırılacağı ilə bağlı məlumata aydınlıq gətirərkən deyib.  

Onun sözlərinə görə, söhbət vətəndaşların hər hansı imtiyaz paketlərinin artırılmasından gedir:

“Əsas məsələ odur ki, sosialyönümlü işlər gündəmdədir və onun ildən-ilə artımı da gözlənilir. Bizə yalnız gözləmək qalır. İzləyək, görək yaxın aylarda müavinət və pensiyaların nə qədər artacaq”.

Qeyd edək ki, Maliyyə Nazirliyi gələn il proqnozlaşdırılan sosial müdafiə və sosial təminat üzrə xərclərin açıqlanması ilə bağlı məlumat yayıb. Nazirlik bildirib ki, 2024-cü il dövlət büdcəsindən sosial müdafiə və sosial təminat üzrə xərclərinə 4 542,2 milyon manat (xüsusi çəkisi 12,5 faiz) ayrılması proqnozlaşdırılır.

Aylin