Azərbaycan Mərkəzi Bankı (AMB) Lüksemburqun “Howden Specialty Luxembourg, S.ά.r.l” və Birləşmiş Ərəb Əmirliklərinin (BƏƏ) "Volante (DIFC)" şirkətlərini xarici sığortaçılar, təkrarsığortaçılar və sığorta brokerlərinin reyestrinə daxil edib.

Valyuta.az bu barədə AMB-yə istinadən xəbər verir.

Məlumata görə, bununla da, Azərbaycanın sığorta bazarında fəaliyyət göstərən xarici brokerlərin sayı 95-ə çatıb.

Bundan əvvəl noyabrda Türkiyənin "BMS Group Sigorta ve Reasürans Brokerliği" Anonim Şirkəti sığorta brokerlərinin reyestrinə daxil edilmişdi.

Xatırladaq ki, “Howden Specialty Luxembourg, S.ά.r.l” 2019-cu ildən, "Volante (DIFC)" isə 2021-ci ildən sığorta və təkrarsığorta sahəsində fəaliyyət göstərir.