“Xalq Sığorta” ASC-nin Direktorlar Şurasına yeni üzv təyin edilib.

Valyuta.az Banker.az-a istinadən xəbər verir ki, Camal Rzayev Ehtibar oğlu sığorta şirkətinin müstəqil üzvü təyin edilib.

Bununla da Direktorlar Şurasının üzvlərinin sayı sədrlə birlikdə üçə yüksəlib.

Xatırladaq ki, “Xalq Sığorta” şirkəti 2005-ci ildən fəaliyyət göstərir. Onun nizamnamə kapitalı 32.516 mln. manatdır. Bu məbləğ hər birinin nominal qiyməti 4.4 manat olan 7.39 mln. səhm əsasında formalaşıb. Səhmlərin 50%-i “İdeal Business Co.” MMC-yə, 50%-i isə “Euro Standard” MMC-yə (“Xalq Bank” ASC-nin 33.85%-lik səhmdarı, “Bank Avrasiya” ASC-nin 37.5%-lik səhmdarı) məxsusdur.