2023-cü ildə “Meqa Sığorta” 2 milyon 514 min manat xalis mənfəətlə başa vurub.  

Valyuta.az bu barədə şirkətin hesabatına istinadən xəbər verir ki, bu, 2022-ci illə müqayisədə 33,4%, yaxud da 1 milyon 263 min manat azdır.
Qeyd edək ki, 2023-cü ildə “Meqa Sığorta”nın 2022-ci ildə xalis mənfəəti 3 milyon 777 min manat olub.  

Belə ki, 2023-cü ildə sığorta şirkətinin 34 milyon 558 min manat olub, bu, 2022-ci illə müqayisədə 61,2%, yaxud da 13 milyon 118 min manat çoxdur. Şirkətin investisiya gəliri 1 milyon 936 min manat olub, bu, illik müqayisədə 37% çoxdur.  

“Meqa Sığorta” əməliyyat xərcləri 16 milyon 255 min manat olub, bu, illik müqayisədə 40%, yaxud da 4 milyon 632 min manat çoxdur. Həmçinin, şirkətin sığorta ödənişləri və sığorta məbləğləri üzrə xərcləri 8 milyon 969 min manat təşkil edib. Bu, 2022-ci illə müqayisədə 2 milyon 217 min manat, yaxud da 32,8% çoxdur. 

Şirkət 2023-cü ildə 622 min 738 manat mənfəət vergisi ödəyib, 2022-ci illə müqayisədə 311 min 193 manat, yaxud da 33,3% azdır.  

2024-cü ilin yanvarın 1-nə “Meqa Sığorta”nın cəmi aktivləri 18,8%, yaxud da 8 milyon 200 min manat  artaraq 51 milyon 712,5 min manata, o cümlədən cəmi öhdəlikləri 9 milyon 234 min manat, yaxud da 70,4% artaraq 22 milyon 353.7 min manata yüksəlib. Cəmi kapitalı 1 milyon 034 min manat, yaxud da 3.4% azalaraq 29 milyon 358.8 min manat olub.

Nara