“Ata Sığorta” 2023-cü il üzrə maliyyə hesabatlarını açıqlayıb.

Valyuta.az xəbər verir ki, "Ata Sığorta" 2023-cü ili 946 min 985 manat xalis zərər ilə başa vurub. Şirkət 2022-ci ili 575 min 375 manat xalis zərər ilə bağlamışdı.

Hesabat dövründə, “Ata Sığorta”nın əsas əməliyyat gəlirləri 82.3% artaraq 10 milyon 9.6 min manata bərabər olub. 2022-ci ildə bu rəqəm 5 milyon 491.1 min manat təşkil edib.

Sığorta şirkətinin investisiya gəlirləri 973.7 min manat təşkil edib ki, bu da bir il əvvələ nisbətən 12.1% və ya 134.2 min manat azdır. Bu dövrdə, “Ata Sığorta”nın subroqasiya gəlirləri 14% azalaraq 179.6 min manata enib, sair gəlirləri isə 30% artaraq 1 milyon 115.2 min manat olub. Nəticədə, şirkətin cəmi gəlirləri 11 milyon 47.6 min manata bərabər olub ki, bu da 2022-ci ilə nisbətən 0,3% azdır.

Ötən il sığorta şirkətinin əsas əməliyyat xərcləri bir il əvvələ nisbətən 11.6% azalaraq 6 milyon 157.5 min manata, sığorta ödənişləri 40.5% azalaraq 3 milyon 210.5 min manata enib, işlərin aparılması xərcləri isə 29.7% artaraq 5 milyon 787.1 min manata yüksəlib. Ümumilikdə isə sığorta şirkətinin cəmi xərcləri bir əvvələ nisbətən 2.9% artaraq 11 milyon 994.6 min manat təşkil edib.

2023-cü ildə “Ata Sığorta”nın maliyyə zarəri 64.5% artaraq 946.9 min manata yüksəlib.

2024-cü ilin yanvarın 1-nə “Ata Sığorta”nın cəmi aktivləri 11.9% artaraq 15 milyon 802.9 min manata, cəmi öhdəlikləri 30% artaraq 6 milyon 638.5 min manata, cəmi kapitalı isə 1.6% artaraq 9 milyon 164.3 min manata yüksəlib.

© APA