Sənaye məhsulu istehsalında azalma baş verib

2025-ci ilin yanvar-fevral aylarında sənaye müəssisələri və bu sahədə fəaliyyət göstərən fərdi sahibkarlar tərəfindən 10,7 mlrd. manatlıq sənaye məhsulu istehsal edilib.

Valyuta.Az-ın Dövlət Statistika Komitəsindən əldə etdiyi məlumata əsasən, bu 2024-cü ilin müvafiq dövrü ilə müqayisədə 1,9 % daha azdı. 

Neft-qaz sektorunda məhsul istehsalı 3,2 % azalmış, qeyri neft-qaz sektorunda isə məhsul istehsalı 6,7 % artıb.

Sənaye məhsulunun 60,9 %-i mədənçıxarma, 31,8 %-i emal, 6,4 %-i elektrik enerjisi, qaz və buxar istehsalı, bölüşdürülməsi və təchizatı, 0,9 %-i isə su təchizatı, tullantıların təmizlənməsi və emalı sektorlarında istehsal olunub.

Sənayedə qeyri-dövlət sektorunun payı 77,4 % olub.

Ümumi istehsalın 88,8 %-i sənaye məhsullarının istehsalı, 11,2 %-i isə sənaye xarakterli xidmətlərin göstərilməsi hesabına yaradılıb. 

İstehsal edilmiş məhsulun böyük hissəsi istehlakçılara göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 1 mart 2025-ci il vəziyyətinə 1 mlrd. 28,8 mln. manatlıq hazır məhsul olub.

Ehtiyatların 55,9 %-i Bakı, 14,2 faizi Sumqayıt, 2,5 %-i Şirvan, 1,8 %-i Gəncə şəhərlərinin, 1,1 %-i Naxçıvan Muxtar Respublikasının, qalan hissəsi isə digər şəhər və rayonların sənaye müəssisələrinin anbarlarında qalmışdır. 

Sənaye müəssisələrinin anbarlarında başqa müəssisələrdən alınmış və satış üçün nəzərdə tutulmuş 94,3 mln. manat məbləğində digər məhsullar da mövcud olmuşdur.

Rəhim